ଜାତୀୟ ଗୀତ ବନ୍ଦେ ମାତରମ୍ ୮୦ତମ ସ୍ୱାଧୀନତା ଦିବସ କାର୍ଯ୍ୟକ୍ରମର ଅଂଶ ପାଲଟିଛି । ପ୍ରଥମ ଥର ପାଇଁ ଏହାକୁ ଲାଲକିଲ୍ଲାର ପ୍ରାଚୀରରୁ ଗାନ କରାଯିବ । ଐତିହାସିକ ଲାଲକିଲ୍ଲାର ପ୍ରାଚୀରରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପସ୍ଥିତିରେ ଜାତୀୟ ସଙ୍ଗୀତ ‘ବନ୍ଦେ ମାତରମ୍’ ଗାନ କରାଯିବ । ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ଏହି ସୂଚନା ଦିଆଯାଇଛି । ଏହା ପୂର୍ବରୁ ଲାଲକିଲ୍ଲାର ଆନୁଷ୍ଠାନିକ କାର୍ଯ୍ୟକ୍ରମରେ ‘ବନ୍ଦେ ମାତରମ୍’ କେବେ ବି ସାମିଲ କରାଯାଇ ନ ଥିଲା ।
ସ୍ୱାଧୀନତାର ୮୦ତମ ସମାରୋହର ଅଂଶବିଶେଷ
ରକ୍ଷା ମନ୍ତ୍ରଣାଳୟ ଅନୁଯାୟୀ, ପ୍ରଧାନମନ୍ତ୍ରୀ ଲାଲକିଲ୍ଲାରେ ପହଞ୍ଚିବା ମାତ୍ରେ ଜାତୀୟ ଗୀତ ପରିବେଷଣ କରାଯିବ । ଆନୁଷ୍ଠାନିକ ଭାବେ ସ୍ୱାଧୀନତା ଦିବସ ସମାରୋହର ଇତିହାସରେ ପ୍ରଥମ ଥର ପାଇଁ ଘଟିବ । ଏହା ପରେ ଶେଷରେ ଜାତୀୟ ସଙ୍ଗୀତ ‘ଜନ ଗଣ ମନ’ ପରିବେଷଣ କରାଯିବ ।
ନ୍ୟୁଜ୍ ଏଜେନ୍ସି ଏନଏନଆଇ ଅନୁଯାୟୀ, ପ୍ରତିରକ୍ଷା ମନ୍ତ୍ରଣାଳୟ କହିଛି ଯେ ସ୍ୱାଧୀନତା ଉତ୍ସବର ୮୦ତମ ସମାରୋହର ଅଂଶ ଭାବରେ ପ୍ରଥମ ଥର ପାଇଁ ଲାଲକିଲ୍ଲାର ପ୍ରାଚୀରରୁ ଜାତୀୟ ଗୀତ ‘ବନ୍ଦେ ମାତରମ୍’ ଗୀତକୁ ସାମିଲ କରାଯିବ । ଦିଲ୍ଲୀର ଐତିହାସିକ ଲାଲକିଲ୍ଲାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ସମାରୋହର ନେତୃତ୍ୱ ନେବେ ।
ବନ୍ଦେ ମାତରମ୍କୁ ପୂରଣ ହେଉଛି ୧୫୦ ବର୍ଷ
ବିବୃତ୍ତିରେ କୁହାଯାଇଛି ଯେ ପ୍ରଧାନମନ୍ତ୍ରୀ ଜାତୀୟ ପତାକା ଉତ୍ତୋଳନ କରିବେ ଏବଂ ଏହି ସ୍ମାରକୀର ପ୍ରାଚୀରରୁ ଦେଶବାସୀଙ୍କୁ ସମ୍ବୋଧିତ କରିବେ । ଏହି ବର୍ଷ ବନ୍ଦେ ମାତରମକୁ ୧୫୦ ବର୍ଷ ପୂରଣ ହେଉଛି । ଏପରି ସ୍ଥିତିରେ ପ୍ରଥମ ଥର ପାଇଁ ଲାଲକିଲ୍ଲାର ପ୍ରାଚୀରରୁ ବନ୍ଦେ ମାତରମ୍ ଗାନ କରାଯିବ । ଉଲ୍ଲେଖଯୋଗ୍ୟ ଯେ ୨୮ ଡିସେମ୍ବର ୧୮୯୬ରେ କଲିକତାରେ କଂଗ୍ରେସର ଜାତୀୟ ଅଧିବେଶନରେ ବନ୍ଦେ ମାତରମ୍ ଗାନ କରାଯାଇଥିଲା, କିନ୍ତୁ ପ୍ରଥମ ଥର ସ୍ୱାଧୀନତାର ଉତ୍ସବ ପାଳନରେ ଗାନ କରାଯାଉଛି ।
