୭୪ ବର୍ଷ ବୟସରେ ଆଖି ବୁଜିଲେ ଅଭିନେତା ସତୀଶ ଶାହ

୭୪ ବର୍ଷ ବୟସରେ ଆଖି ବୁଜିଲେ ଅଭିନେତା ସତୀଶ ଶାହ

ବଲିଉଡ୍ ଅଭିନେତା ସତୀଶ ଶାହଙ୍କ ଦେହାନ୍ତ ହୋଇଛି । ୭୪ ବର୍ଷ ବୟସରେ ଆଖି ବୁଜିଛନ୍ତି ସତୀଶ ଶାହ । ଦୀର୍ଘ ଦିନରୁ କିଡ୍‌ନୀ ରୋଗରେ ପୀଡ଼ିତ ସତୀଶଙ୍କ ନିକଟରେ କିଡନୀ ପ୍ରତିରୋପଣ ହୋଇଥିବା ବେଳେ ଶନିବାର ତାଙ୍କର ଦେହାନ୍ତ ହୋଇଛି ।

ସାରାଭାଇ ଭର୍ସେସ୍ ସାରାଭାଇ, ଜାନେ ଦୋ ୟାରୋଁ ଔର ମେଁ ହୁଁ ନା ଶୋରୁ ବେଶ ଲୋକପ୍ରିୟ ହୋଇଥିଲେ ସତୀଶ । ଚିକିତ୍ସାଧିନ ଅବସ୍ଥାରେ ସତୀଶଙ୍କ ମୃତ୍ୟୁ ହୋଇଛି । ମିଳିଥିବା ସୂଚନା ଅନୁସାରେ, ରବିବାର ଅକ୍ଟୋବର ୨୬ରେ ସତୀଶଙ୍କ ଅନ୍ତିମ ସଂସ୍କାର କରାଯିବ ।

ଟେଲିଭିଜନ ଶୋ ସହ ଅନେକ ଚଳଚ୍ଚିତ୍ରରେ ସତୀଶ କାମ କରିଛନ୍ତି । କିନ୍ତୁ ସାରାଭାଇ ଭର୍ସେସ୍ ସାରାଭାଇ ତାଙ୍କୁ ପ୍ରସିଦ୍ଧି ଆଣି ଦେଇଥିଲା । ସେଥିରେ ସତୀଶ, ଇନ୍ଦ୍ରବଦନ ସାରାଭାଇ ଓରଫ୍ ଇନ୍ଦୁଙ୍କ ଭୂମିକାରେ ନଜର ଆସିଥିଲେ । ଏହି କମେଡି ଶୋରେ ସତୀଶଙ୍କ ଅଭିନୟ ବେଶ ଚମତ୍କାର ଥିଲା । ଆଜି ବି ଇନଷ୍ଟାଗ୍ରାମରେ ତାଙ୍କ କ୍ଲିପ୍ ଭାଇରାଲେ ହେଉଛି ।

ଗୁଜରାଟର ମାଣ୍ଡବିରେ ଜନ୍ମିତ ସତୀଶ ଜାଭିୟର୍ କଲେଜରେ ପଢ଼ିବା ପରେ ଫିଲ୍ମ ଆଣ୍ଡ ଟେଲିଭିଜନ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆରେ ପଢ଼ିଥିଲେ । ୧୯୭୨ରେ ସଥୀଶ ମଧୁ ଶାହଙ୍କୁ ବିବାହ କରିଥିଲେ । ବଲିଉଡ୍ ଫିଲ୍ମରୁ କ୍ୟାରିୟର ଆରମ୍ଭ କରିଥିଲେ ସତୀଶ ।

Posted in Uncategorized.