ସବୁଜ ଷ୍ଟିକର ଏବଂପଲ୍ୟୁସନ ପ୍ରମାଣପତ୍ର ଯନ୍ତ୍ରଣା କୁ ଦୃଢ଼ ବିରୋଧ

ଭୁବନେଶ୍ୱର ତା 29 ରିଖ l ଓଡ଼ିଶାରେ ସବୁଜ ଷ୍ଟିକର ଏବଂପଲ୍ୟୁସନ ପ୍ରମାଣପତ୍ର ଯନ୍ତ୍ରଣା କୁ ଦୃଢ଼ ବିରୋଧ କରି ତୁରନ୍ତ ଏସବୁ ବନ୍ଦ କରି ବାକୁ
ଆଜି ପରିବହନ ସଚିବ ଉଷା ପାଢୀଙ୍କୁ ଖାରବେଳ ଭବ ରେ ଭେଟି ଦାବୀ ଜଣାଇଛି ଆମ ଜନତା ଅଧିକାର l ସଂଗଠନର ଆବାହକ ମନୋଜ ଜେନା ସହ ଆବାହକ ବାସୁଦେବ ଭଟ୍ଟ, ସଂଯୋଜକ ପ୍ରସନ୍ନ ବିଷୋୟୀ, ଅଶୋକ ପାଇକରାୟ, ବିକ୍ରମ ଜେନା, ସୂର୍ଯ୍ୟ ନାରାୟଣ ଜେନା ଭେଟି ଆଲୋଚନା କରିଥିଲେ l ବିଶେଷକରି ନିମ୍ନ ଏବଂ ମଧ୍ୟବିତ୍ତ ପରିବାର ମାନେ ଦୈନନ୍ଦିନ ଯାତାୟାତ ଏବଂ ଜୀବିକା ପାଇଁ ବ୍ୟକ୍ତିଗତ ଯାନବାହନ ଉପରେ ନିର୍ଭର କରିଥାନ୍ତି l ଫେବୃଆରୀ ରୁ ସମସ୍ତ ଯାନବାହନ ପାଇଁ ସବୁଜ ଷ୍ଟିକର ବାଧ୍ୟତାମୂଳକ ଓ ସାର୍ଟିଫିକେଟ ବିନା ପେଟ୍ରୋଲ ବନ୍ଦ ନିୟମ ଲାଗୁ କରିବା ଘୋଷଣା ପାଇଁ ବର୍ତମାନ ସାରା ରାଜ୍ୟରେ ହାହା କlର ସ୍ଥିତି ଉପୁଜିଛି l ଯାନବାହନ ପ୍ରଦୂଷଣ ରୋକିବା ଏବଂ ମୋଟର ଯାନ ଆଇନର ପାଳନ ଆଳରେ ଓଡ଼ିଶାର ସାଧାରଣ ଜନତା ବିଶେଶତଃ ଆର୍ଥିକ ଦୃଷ୍ଟିରୁ ଦୁର୍ବଳ ବର୍ଗର ଲୋକଙ୍କ ଉପରେ ଅଯଥା କଷ୍ଟ ଏବଂ ହଇରାଣ ଲଦି ଦେବା ଅନୁଚିତ।