ଦିଲ୍ଲୀ ଜନ୍ତରମନ୍ତରରେ ୨୩ ଜୁଲାଇରେ ହୋଇଥିବା ପ୍ରଦର୍ଶନରେ ପ୍ରଧାନମନ୍ତ୍ରୀ ମୋଦିଙ୍କୁ ଅପଶବ୍ଦ ବ୍ୟବହାର କରିଥିବା ମାମଲାରେ ନୂଆ ମୋଡ଼ ଆସିଛି । ଏହି ମାମଲାରେ ନାବାଳିକାଙ୍କ କ୍ଷମା ଭିଡିଓ ସାମ୍ନାକୁ ଆସିଛି । ନାବାଳିକା ଜଣକ କହିଛନ୍ତି, ମୁଁ ମାତ୍ର ୧୫ ବର୍ଷର… ଏହା ମୋର ପ୍ରଥମ ଓ ଶେଷ ଭୁଲ୍ । ହାତ ଯୋଡି ସମଗ୍ର ଦେଶବାସୀଙ୍କୁ କ୍ଷମା ମାଗିଥିବା ନଜର ଆସିଛନ୍ତି ।
ପ୍ରଧାନମନ୍ତ୍ରୀଙ୍କୁ ଅଶ୍ଳୀଳ ମନ୍ତବ୍ୟ କରିଥିବା ଝିଅ କ୍ଷମା ପ୍ରାର୍ଥନା ଭିଡିଓରେ କହିଛନ୍ତି, ଦିଲ୍ଲୀର କନୋଟ୍ ପ୍ଲେସରେ ସାଙ୍ଗ ସହିତ ବୁଲୁଥିବା ବେଳେ ଦିଲ୍ଲୀର ଜନ୍ତର ମନ୍ତରରେ ସିଜେପି (CJP) ପକ୍ଷରୁ ଆୟୋଜିତ ପ୍ରତିବାଦ ସ୍ଥଳରେ ପହଞ୍ଚିଥିଲେ । ସେ ସେଠାରେ ଥିବା ଉପସ୍ଥିତ ଲୋକଙକ ପ୍ରଭାବରେ ଆସି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ଅଶ୍ଳୀଳ ଓ ଅପମାନଜନକ ମନ୍ତବ୍ୟ ଦେଇଥିଲେ । ମୁଁ ସ୍ବୀକାର କରୁଛି କି, ମୁଁ ଯାହା କିଛି, ତାହା କ୍ଷମା ଯୋଗ୍ୟ ନୁହେଁ । ଏହା ମୋର ପ୍ରଥମ ଓ ଶେଷ ଭୁଲ୍ । ଭବିଷ୍ୟତରେ ଏଭଳି ଭୁଲ୍ ଆଉ ହେବ ନାହିଁ ।
ଏକ ଭିଡିଓରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବୟାନର କିଛି ଘଣ୍ଟା ପରେ ଏହି ଭିଡିଓ ସାମ୍ନାକୁ ଆସିଛି । ଶୁକ୍ରବାର ଇନଷ୍ଟାଗ୍ରାମରେ କହିଛନ୍ତି, ପ୍ରଦର୍ଶନ ବେଳେ ମୋତେ ଗାଳି ଦେଇଥିବା ସମସ୍ତ ଛାତ୍ରଙ୍କୁ କ୍ଷମା କରିଦେଇଛି । ମୋତେ ଏବେ ମୋ ସ୍ବର୍ଗତ ମାଙ୍କୁ ନେଇ ବ୍ୟବହାର କରାଯାଇଥିବା ଅପଶବ୍ଦ ପାଇଁ ମୁଁ ଚିନ୍ତିତ । କିନ୍ତୁ ଆଜିକାଲିର ଯୁବପିଢି ନିଜ ଭୁଲରୁ ଉଚିତ ଶିକ୍ଷା ପାଇବାର ସୁଯୋଗ ମିଳିବା ଦରକାର ।
ସୋସିଆଲ ମିଡିଆରେ ଭାଇରଲ ହୋଇଥିବା ଏକ ଭିଡିଓରେ ହାତ ଯୋଡ଼ି ନାବାଳିକା କହିଛନ୍ତି ଯେ, ସେ ମାତ୍ର ୧୫ ବର୍ଷର ଏବଂ ଭିଡ଼ରେ ଥିବା ଲୋକଙ୍କ କଥାରେ ପ୍ରଭାବିତ ହୋଇ ସେପରି କଥା କହିଥିଲେ । ସେ କହିଛନ୍ତି, ମୁଁ ଯାହା କରିଛି ତାହା କ୍ଷମାଯୋଗ୍ୟ ନୁହେଁ । ଏହା ମୋର ପ୍ରଥମ ଓ ଶେଷ ଭୁଲ । ସମଗ୍ର ଦେଶବାସୀଙ୍କୁ କ୍ଷମା ମାଗୁଛି । ଏହି ଘଟଣାକୁ ନେଇ ଗାଜିଆବାଦର ଜଣେ ଆଇନଜୀବୀଙ୍କ ଅଭିଯୋଗ ଆଧାରରେ ନୋଏଡାରେ ଜିରୋ ଏଫ୍ ଆଇଆର୍ ରୁଜୁ ହୋଇଥିଲା ।
