ମାନସ ରଞ୍ଜନ ମଙ୍ଗରାଜଙ୍କୁ ରାଜ୍ୟସଭାରେ ବିଜେଡି ସଂସଦୀୟ ଦଳର ନେତା ଭାବରେ ନିଯୁକ୍ତ କରାଯାଇଛି । ସେହିପରି ସୁଲତା ଦେଓଙ୍କୁ ଉଚ୍ଚ ସଦନରେ ଦଳର ଉପନେତା ଏବଂ ମୁଖ୍ୟ ସଚେତକ ଭାବରେ ନିଯୁକ୍ତ କରାଯାଇଛି।
ବିଜୁ ଜନତା ଦଳ (ବିଜେଡି) ସଭାପତି ନବୀନ ପଟ୍ଟନାୟକ ଆଜି ରାଜ୍ୟସଭା ଅଧ୍ୟକ୍ଷଙ୍କୁ ଏକ ଚିଠିରେ ଜଣାଇଛନ୍ତି ଯେଉଁଥିରେ ସେ ଅନୁରୋଧ କରିଛନ୍ତି ଯେ ରାଜ୍ୟସଭାରେ ବିଜୁ ଜନତା ଦଳର ନବନିଯୁକ୍ତ ନେତାମାନଙ୍କୁ ଯଥାର୍ଥ ସରକାରୀ ମାନ୍ୟତା ପ୍ରଦାନ କରାଯାଉ । ସୂଚନାଯୋଗ୍ୟ ଯେ ସମ୍ପ୍ରତି ବିଜେଡି ନେତା ଏବଂ ରାଜ୍ୟସଭା ସାଂସଦ ସସ୍ମିତ ପାତ୍ର ରାଜ୍ୟସଭାରେ ଦଳର ସଂସଦୀୟ ନେତା ପଦରୁ ଇସ୍ତଫା ଦେଇଥିଲେ ଏବଂ ଦଳର ସଭାପତି ନବୀନ ପଟ୍ଟନାୟକ ତାଙ୍କ ଇସ୍ତଫାପତ୍ର ଗ୍ରହଣ କରିଥିଲେ।
