ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ମହାପର୍ବ ଛଟ ସମୟରେ ପାଳିତ ଏକ ଗୁରୁତ୍ୱପୂର୍ଣ୍ଣ ରୀତି ‘ଖରନା’ର ପବିତ୍ର ଅବସରରେ ସମସ୍ତ ଶ୍ରଦ୍ଧାଳୁମାନଙ୍କୁ ହାର୍ଦ୍ଦିକ ଶୁଭେଚ୍ଛା ଜଣାଇଛନ୍ତି । ଏହି ପବିତ୍ର ପର୍ବ ସହିତ ଜଡିତ କଷ୍ଟକର ଉପବାସ ଏବଂ ରୀତିନୀତି ପାଳନ କରୁଥିବା ସମସ୍ତ ଭକ୍ତଙ୍କ ପ୍ରତି ସେ ତାଙ୍କର ସମ୍ମାନ ପ୍ରକାଶ କରିଛନ୍ତି।
ଶ୍ରୀ ମୋଦୀ ଏହି ଅବସରରେ ଛଟି ମାତାଙ୍କୁ ଉତ୍ସର୍ଗୀକୃତ ଭକ୍ତିଗୀତ ମଧ୍ୟ ଶେୟାର କରିଛନ୍ତି ।
ଏକ୍ସରେ ଏକ ପୋଷ୍ଟରେ ଶ୍ରୀ ମୋଦୀ ଲେଖିଛନ୍ତି; “ଆପଣମାନଙ୍କୁ ଛଟ ମହାପର୍ବର ଖରନା ପୂଜା ଅବସରରେ ଅନେକ ଶୁଭକାମନା । ସମସ୍ତ ବ୍ରତଧାରୀମାନଙ୍କୁ ସାଦର ପ୍ରଣାମ! ଶ୍ରଦ୍ଧା ଏବଂ ସଂଯମତାର ପ୍ରତୀକ ଏହି ପବିତ୍ର ପର୍ବ ଅବସରରେ ଗୁଡରେ ପ୍ରସ୍ତୁତ ଖିରି ସହିତ ସାତ୍ୱିକ ପ୍ରସାଦ ଭୋଜନ କରିବାର ପରମ୍ପରା ରହିଛି । ଏହି ପର୍ବ ଅବସରରେ ଛଟି ମାତା ସମସ୍ତଙ୍କୁ ନିଜର ଆଶୀର୍ବାଦ ପ୍ରଦାନ କରନ୍ତୁ, ଏହା ହିଁ ମୋର କାମନା ।
