ମହାନ୍ ସ୍ଵାଧୀନତା ସଂଗ୍ରାମୀ, ଅତୁଳନୀୟ ତ୍ୟାଗ ଓ ଆଦର୍ଶର ପ୍ରତୀକ, ସ୍ଵାଧୀନୋତ୍ତର ଓଡ଼ିଶାର ପ୍ରଥମ ନିର୍ବାଚିତ ମୁଖ୍ୟମନ୍ତ୍ରୀ ତଥା ଯୁଗାନ୍ତକାରୀ ଆଇନ ପ୍ରଣେତା ରାଜର୍ଷି ନବକୃଷ୍ଣ ଚୌଧୁରୀଙ୍କ ୧୨୫ତମ ଜୟନ୍ତୀ ଅବସରରେ ଓଡ଼ିଶା ବିଧାନସଭା ସମ୍ମୁଖରେ ଥିବା ତାଙ୍କ ପ୍ରତିମୂର୍ତ୍ତି ସ୍ଥଳରେ ଶ୍ରଦ୍ଧାଞ୍ଜଳି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।
ଓଡ଼ିଶା ବିଧାନସଭା ତଥା ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ତରଫରୁ ପ୍ରଥମେ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା। ଏହା ପରେ ରାଜ୍ୟ ପୂଜ୍ୟ ପୂଜା ସଂସ୍କୃତି ସୁରକ୍ଷା ଅଭିଯାନ ଆନୁକୂଲ୍ୟରେ ଏକ ଶ୍ରଦ୍ଧାବଚନାର୍ପଣ ପୂର୍ବକ ଶ୍ରଦ୍ଧାଞ୍ଜଳି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ମହାନ୍ ସ୍ଵାଧୀନତା ସଂଗ୍ରାମୀ, ଅତୁଳନୀୟ ତ୍ୟାଗ ଓ ଆଦର୍ଶର ମୂର୍ତ୍ତିମନ୍ତ ପ୍ରତୀକ, ଓଡ଼ିଆ ଭାଷା ଆଇନ , ଓଡ଼ିଶା ନିଶା ନିବାରଣ ଆଇନ,ଭୂସଂସ୍କାର ଆଇନ୍ ପ୍ରଣେତା, ସ୍ଵାଧୀନୋତ୍ତର ଓଡ଼ିଶାର ପ୍ରଥମ ନିର୍ବାଚିତ ମୁଖ୍ୟମନ୍ତ୍ରୀ ରାଜର୍ଷୀ ନବକୃଷ୍ଣ ଚୌଧୁରୀ ଙ୍କ ୧୨୫ ତମ ଜୟନ୍ତୀ ଅବସରରେ ତାଙ୍କର ଓଡ଼ିଶା ବିଧାନ ସଭା ସଦନ ସମ୍ମୁଖରେ ପ୍ରତିଷ୍ଠିତ ଥିବା ପ୍ରତିମୂର୍ତ୍ତି ସ୍ଥଳରେ ଓଡିଶା ବିଧାନସଭା ତଥା ଓଡ଼ିଆ ଭାଷା ସାହିତ୍ୟ ସଂସ୍କୃତି ବିଭାଗ ତରଫରୁ ଶ୍ରଦ୍ଧାଞ୍ଜଳି କାର୍ଯ୍ୟକ୍ରମ ପରେ ରାଜ୍ୟ ପୂଜ୍ୟ ପୂଜା ସଂସ୍କୃତି ସୁରକ୍ଷା ଅଭିଯାନ ଆନୁକୁଲ୍ୟରେ ଶ୍ରଦ୍ଧାବଚନାର୍ପଣ ପୂର୍ବକ ଶ୍ରଦ୍ଧାଞ୍ଜଳି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଏହି କାର୍ଯ୍ୟକ୍ରମ ରେ ଅଭିଯାନର ଅଧ୍ୟକ୍ଷ ପ୍ରଦ୍ୟୁମ୍ନ ଶତପଥୀ ନିଜର ଶ୍ରଦ୍ଧାବଚନାର୍ପଣରେ କହିଥିଲେ ଯେ ବିଶ୍ବ କ୍ଷମତା ରାଜନୀତିରେ ପୂଣ୍ୟ ଶ୍ଲୋକ ନବକୃଷ୍ଣ ଚୌଧୁରୀ ଜଣେ ବିସ୍ମୟ ପ୍ରତିଭା, ସର୍ବାଧିକ ଜନପ୍ରିୟ ଜନନେତା । ଦେଶର ମୁକ୍ତି ସଂଗ୍ରାମରେ ସମସ୍ତ ସ୍ଥାବର,ଅସ୍ଥାବର ସମ୍ପତ୍ତି ଦାନ କରି ସପରିବାର ସ୍ବାଧୀନତା ସଂଗ୍ରାମ ରେ ଝାସ ଦେଇଥିଲେ ।
୧୯୫୦ ରୁ ୧୯୫୬ ଯାଏ ଓଡ଼ିଶାର ମୁଖ୍ୟମନ୍ତ୍ରୀ ଭାବେ ତାଙ୍କର ଐତିହାସିକ କୀର୍ତ୍ତି ଉପଲବ୍ଧି ମଧ୍ୟରେ ଜମିଜମା ସଂସ୍କାର ଆଇନ୍, ଜମିଦାରୀ ପ୍ରଥା ଉଛେଦ ଆଇନ୍, ଭାଗଚାଷ ଆଇନ୍, ଓଡ଼ିଆ ଭାଷା ରେ ଓଡ଼ିଶା ର ଶାସନ ଆଇନ୍,ନିଶା ନିବାରଣ ଆଇନ, ଶ୍ରୀମନ୍ଦିର ସଂସ୍କାର ଆଇନ୍, ଅଞ୍ଚଳ ସଂସ୍କାର ଆଇନ୍,ରାଜପଥ ଜାତୀୟ କରଣ, ଚଳଚ୍ଚିତ୍ର ସଂସ୍କାର ଆଇନ୍ ପ୍ରଭୃତି ଅନେକ ଜନ କଲ୍ୟାଣ ଆଇନ୍ ପ୍ରଣୟନ ସହିତ ରାଉରକେଲା ଇସ୍ପାତ କାରଖାନା,ହିରାକୁଦ ବନ୍ଧ ଯୋଜନା, ବୁର୍ଲା ବୈଷୟିକ ଶିକ୍ଷା ପ୍ରତିଷ୍ଠାନ ପ୍ରତିଷ୍ଠା, ଓଡ଼ିଶା କୃଷି ଓ ଗୋପାଳନ ଶିକ୍ଷା ର ବିକାଶ ଭଳି ଅନେକ ଯୁଗାନ୍ତକାରୀ ନିଷ୍ପତ୍ତି ତାକୁ ଓଡ଼ିଶା ଇତିହାସରେ କାଳଜୟୀ, ଚିର ବନ୍ଦନୀୟ, ପ୍ରାତଃ ସ୍ମରଣୀୟ ଓ ଅମର କରି ରଖିଛି ଓ ରଖିବ ।
ଏହି କାର୍ଯ୍ୟକ୍ରମ ରେ ଶତାୟୁ ପୁରୁଷ ବରେଣ୍ୟ ପଦ୍ମ ଚରଣ ନାୟକ , ନବକୃଷ୍ଣ -ମାଳତୀ ଦର୍ଶନାନୁରକ୍ତା ସୁମିତ୍ରା ଜେନା, ଆଦର୍ଶ ପ୍ରଧାନ ଶିକ୍ଷକ କବି କାମଦେବ ମହାପାତ୍ର ଓ ନିରଞ୍ଜନ ପଣ୍ଡା, ଭାଷା ପ୍ରାଣ ଦିଲ୍ଲୀପ ଦାଶଶର୍ମା, ସଂସ୍କୃତି ପ୍ରାଣ ମନୋରଞ୍ଜନ ମହାନ୍ତି, ଡଃ ଅଦ୍ଵୈତ ପାତ୍ର, ସଶକ୍ତ ଓଡ଼ିଶାର ସଭାପତି ବିଜୟ କୁମାର ପ୍ରଧାନ, ଅଭୟ ସେନାପତି ପ୍ରମୁଖ ସେମାନଙ୍କ ଶ୍ରଦ୍ଧାବଚନାର୍ପଣ ରେ ନବକୃଷ୍ଣ ଚୌଧୁରୀଙ୍କ ବହୁମୁଖି ଅବଦାନର ସ୍ମତି ଚାରଣ କରିଥିଲେ । ଅଭିଯାନର ସଂଯୋଜକ ନାରାୟଣ ଓଝା ଆନୁଷ୍ଠାନିକ ଧନ୍ୟବାଦାର୍ପଣ କରିଥିଲେ ।
